Starfsbraut FB

Innritun fatlaðra nemenda, sem óska eftir skólavist á starfsbrautum framhaldsskóla, fer fram fyrr en innritun almennt í framhaldsskóla.

Innritað verður frá 30. janúar til 29. febrúar 2012. Tímamörk almennrar innritunar gilda þó fyrir þær umsóknir sem berast seinna.

Umsækjendur sækja veflykil á menntagatt.is. Þegar umsækjendur hafa fengið veflykil opnast þeim aðgangur að innrituninni. Nánari leiðbeiningar um rafræna innritun er að finna í bréfi til forráðamanna nemenda sem afhent er í grunnskólum landsins og einnig má finna á slóðinni menntagatt.is/kynningarefni.

Nánari upplýsingar um rafræna innritun á starfsbrautir í framhaldsskólum veitir Ragnheiður Bóasdóttir í mennta- og menningarmálaráðuneyti. Fyrirspurnir má senda á netfangið ragnheidur.boasdottir@mrn.is

Töfluafhending fyrir nemendur á starfsbraut verður föstudaginn 6. janúar kl. 15:00 í stofu 17.

Okkar bestu óskir um gleðileg jól og farsæld á nýju ári. Þökkum samvinnuna á árinu sem er að líða.

Að loknu jólaleyfi hefst kennsla mánudaginn 9. janúar.

Í dag stóðu útskriftarnemendur fyrir firmakeppni í boccia. Keppnin var liður í fjáröflun fyrir Parísarferðina sem fyrirhuguð er í vor. 17 lið voru skráð til keppni og drógu nemendur um hvaða fyrirtæki þeir kepptu fyrir. Jóhann íþróttakennari var mótstjóri en keppt var á þremur völlum.

Í vetur hafa nemendur á þriðja og fjórða ári verið í starfsnámi einu sinni í viku. Starfsnámsstaðirnir eru margir m.a Nóatún, Bónus, Þín Verslun og Sorphirða Kópavogs.